कार्तिक २४,
कन्याम पोस्ट संवाददाता ।
।फाकफोकथुम गाउँपालिका ७ एकतप्पा स्थित दोकान डाँडामा खेलकुद विकास समितिले आयोजना गरेको शुभ दीपावली कप फुटबल प्रतियोगिताको फाइनलमा कोलबोटे एफसी र फुङनाम स्पोर्टिङ एफसी चुलाचुली प्रवेश गरेका छन् ।
जनकल्याण माविको खेलमैदानमा शुक्रबार भएको दुवै सेमिफाइनल खेलमा कोलबोटे र चुलाचुली फाइनलमा प्रवेश गरेका हुन् । पहिलो सेमिफाइनल खेलमा कोलबोटेले फाल्गुनन्द एफसीलाई २-० गोलले पराजित गर्दै उपाधि नजिक पुगेको हो ।
साविक विजेतालाई पराजित गर्न दुवै गोल शुकराज राईले गरेका हुन् । उनी खेलको म्यान अफ दी म्याच बन्दै नगद पुरस्कार पाउन सफल भए ।
यस्तै, अन्तिम सेमिफाइनल खेलमा चुलाचुलीले आङसराङ फाइभ स्टार एफसीविरुद्ध ३-१ गोलअन्तरले स्पष्ट जित निकालेको हो । चुलाचुलीका लागि दिवश श्रेष्ठले एक गोल गरे भने अनिल भण्डारीले २ गोल गरेका हुन् । आङसराङका लागि मदन लिम्बूले मात्र गोल गरेका थिए ।यही कार्तिक २५गते फाईनल खेल आयोजना हुने यस प्रतियोगितामा १६ टोली सहभागी छन् ।प्रतियोगिताको विजेताले नगदद १ लाख २५ हजार तथा उपविजेताले नगद ७५ हजार प्राप्त गर्ने बताईएको छ।
