कपो संवाददाता ,
विराटनगर ।ठूलो दलको हैसियतले भदौ २२ गते मुख्यमन्त्री नियुक्ति भएका हिक्मतकुमार कार्कीले आज विश्वासको मत लिँदैछन् । कार्की संविधानको धारा १६८ को उपधारा ३ बमोजिम मुख्यमन्त्री नियुक्ति भएका थिए ।
मुख्यमन्त्री भएको ३० दिन भित्र बिश्वासको मत लिनुपर्ने छ कार्कीले विश्वासको मत पाउने अवस्था अहिलेसम्म देखिएको छैन । कोशी प्रदेशमा ठुलो दलको रुपमा रहेको नेकपा एमाले सँग उपसभामुख सहित प्रदेश सभामा ४० सदस्य छन । सभामुख पद रिक्त रहेको अवस्थामा उपसभामुखलले सभा चलाउदा ३९ जना एमालेका प्रदेश सभा सदस्यले मात्रै विश्वासको मत दिन पाउनेछन ।
एमालेलाई साथ दिदै आएको राप्रपाले विश्वासको मत पाउने आधार नभए यस पटक विश्वासको मत नदिने प्रष्ट पारेको छ। प्रदेशमा रहेका नेपाली काङ्ग्रेस माओवादी एकीकृत समाजवादी र जसपाले कार्कीलाई विश्वासको मत नदिने बताउँदै आएका छन् ।
कोशी प्रदेश सभामा काङ्रेसको २९, माओवादीको १३ समाजवादीको ४ र जसपाको १ सदस्य रहेका छ्न । विश्वासको मत लिने प्रयोजनका लागि आज प्रदेस सभा बोलाईएको छ ।
