रुपन्देही । नेकपा का महासचिव नेत्रविक्रम चन्द ‘विप्लव’ ले शीतगंगा नगरपालिका–११ मान्द्रेस्थित कृषि जनकम्युनमा अकबरे खुर्सानी रोपेका छन् । उनको नेतृत्वमा पार्टीका निजी सचिव अडिग बोगटी लगायत १५ जनाले सामूहिक रूपमा यो अभियान सञ्चालन गरेका छन् ।
यसअघि कपिलवस्तुमा धान रोप्ने, जुम्लामा स्याउका बिरुवा रोप्ने र कालीकोटमा भेडा फर्म उद्घाटन गर्ने विप्लवले हालै पूर्वी नेपालको सांगठनिक भ्रमण र काठमाडौंका कार्यक्रमहरू पूरा गरेपछि उत्पादन अभियानमा सक्रिय भएका छन् । उनले यसरी कृषि तथा पशुपालनलाई प्रवर्धन गर्दै आत्मनिर्भर अर्थतन्त्र निर्माणमा पार्टीले दिएको जोडलाई उजागर गरे ।
“आत्मनिर्भरताको लागि सामूहिक उत्पादन अनिवार्य छ, यहीबाट देश समृद्ध हुनेछ,“ विप्लवले जनाए । पार्टी सम्बद्ध पत्रकार संगठनका अध्यक्ष प्रकाश डुम्रेले यो अभियानलाई देशव्यापी उत्पादन रोजगारीको रूपमा विस्तार गरिएको बताए ।
नेकपाले आफ्नो केन्द्रीय कार्यालय शिवगढीबाट २० किलोमिटर टाढा सञ्चालित जनकम्युनमा यो कार्यक्रम गरेको छ, जसले ग्रामीण अर्थतन्त्र सशक्तिकरणमा केन्द्रित पार्टीको नीतिलाई प्रतिबिम्बित गर्छ ।
