भारतको उत्तर प्रदेशस्थित बाराबंकीमा मोटरसाइकल चोरीको आरोपमा प्रहरीले चलाएको गोली लागेर एक नेपाली युवा घाइते भएका छन् ।
गएको सोमबार राति भएको घटनामा तिलक थापा उर्फ टीलु पहाडी घाइते भएका हुन् । भारतीय सञ्चारमाध्यमका अनुसार, नेपालमा चोरीका मोटरसाइकल बिक्री गर्ने गिरोहमाथि छापा मार्ने क्रममा उनको खुट्टामा गोली लागेको हो
स्वाट र देवाका प्रहरी टोलीले थापासहित दुई भारतीय नागरिक मो. साजिद अन्सारी र मो. खुर्शीदलाई नियन्त्रणमा लिएको छ । अहिले घाइते थापाको अस्पतालमा उपचार भइरहेकोछ ।
